Jì a və tamə nyʉ kaʼsə Məkàyn Mə Mumə a Gàʼa Kəjòm
Ŋwàʼlə/Ŋwàʼnə Məkàyn Mə Mumə, a Kəjom mətamə ntemə bò ə vì nə kənyù Nyìngoŋ fa tsu a Kəjom kə a vəwenə gàʼa Loʼ a diʼ (Gàʼa Kəjom) diʼi ə lyɨ̀ no fə ghafnə fə dyəfə kə nlyɨ̀ əchò ngwʉsə wum məbu və myètə ŋwàʼtə məkàyn məfimə ə diʼ ku a Kəjom kə a ngwʉʼ nkamsə bo a saŋ sukəfʉ̀ʼ. Wu a kènkə ə vì li nə nyʉ̀ la bò a və kəy, a diʼ ə bòʼ a lòʼ vəŋwaʼlə/vəŋwaʼnə gàʼa Kəjom no a ghòʼo, ndìʼi vìʼi Kəjòm ə kɨ ji nyòʼ be dzaŋ ə gàʼa Kəjom ə vəwenə. Bò diʼ la be myetə ŋwàʼlə/ŋwàʼnə Nyìngoŋ no tsèm a dìʼ ji lyomtə ə gàʼa be nə ntsinə fa tsu a ghə dìʼ mu ghə sə pfʉ dyʉ̀. Ntèmə bò venə dìʼ mu və nzìtə a bàmə ngwʉʼsə bò, alì və nəŋə la və a lyɨ ngwʉʼsə wum ə kaʼsə veŋwàʼlə/vəŋwàʼnə venə njʉsə a bʉmuʼ a məwumə ntaʼ, a dìʼ vəŋwàʼlə/vəŋwàʼnə və Məkàyn Mə Mumə; Luth, Està, Jonà, Ezla nə Jwel diʼ mu vəkàʼsə li myètə, ŋwàʼle/ŋwàʼnə) kənzìtə a diʼi (Genesis) diʼ mu və bè kàʼsə a faŋ tò və kyìtə əlye la ghə tɨmə li lo. Kəndemndem Kə Yesò nə Əzhʉtə Məkàyn Məfimə a gàʼa Kəjòm, nə ŋwàʼlə/ŋwàʼnə knitə nyʉ̀ a gàʼa Kəjom (Dictionary) ə sə fo to və myetə.

CABTAL nə viʼi Kəjom ə diʼ mu vəwenə gəsə li a shyə ko Məjom mèmə a ghayn a bò a Kəjom Kəkù nə Kəjom Kətinguʼ kə diʼ ə mòʼ ko zìtə fa və malàyn və kayʼ nə kəbyeʼkə a ngwʉʼ pfen, ntsèntə sə ngəŋ Nyìngoŋ, viʼi a və tsuʼtə Loʼ ntsentə ngəŋ caynsə (Council) kətyʉ kə fə bʉtə fə Tubaʼ nə ngesə Loʼ a ghə diʼ a kebeŋ diʼ ə mòʼ ko ghenə a kəʼ ko nə shweʼe.

CABTAL lyè shyeʼ ghenə a kə nyʉ̀ kəmuʼ wenə kətyʉ kə ntsèntə sə ngeŋ Nyìngoŋ a diʼ nshətə Mbicho Lumanus benə kətyʉ kə shweʼe kènkə a diʼ nshətə Vəshəŋ Kolintyàns. No Loʼkò fatyì tə loʼ tèntə kiʼi ntsèntə tyetə viʼi a və tuʼmə shyeʼ ghenə lye jì a shyeʼ ghènə jèʼe dyʉ fa tsu. Tyʉ tyʉ shyèʼ a tə Loʼ tentə lye shweʼe mu shəʼtə a tyʉ tyʉ to tə venə vəwenə mu chosə a CABTAL.

Shyèʼ ghenə kiʼi Ntemə ə kàʼ;

Məkaʼsə: Əkaʼsə Məkàyn Məmu Mènmə a kàyn diʼ və tu viʼi və kaʼsə və, və mwomsə a tyì Loʼ, viʼi və kyitə və e zaʼa məwumə nkàʼ a diʼi viʼi Loʼ, nə viʼi və kyitə və fa CABTAL.
Mə dìʼsə nə mə ziʼi gàʼa Loʼ: Və tamə ə shisə viʼi nkamsə bò nə ghɨ tàynə a ngwʉsə tàyn. A diʼ və a shisə ghɨ tàyn a ngwʉʼ ə chò fa a Loʼ vəŋwàʼle/vəŋwàʼnə njʉsə tàyn a məwumə bò nə ndiʼsə sə njʉsə tàyn a məwumə bò, be tu ndiʼsə sə tsensə məwumə mbò.
Viʼi a və lyɨ̀ gàʼa Nyìngòŋ dyʉ a ntsèntə viʼi və byɨmə sə: Vəwenə a jeʼe nə shi vəŋwàʼlə/veŋwàʼnə vyi a və diʼi mu ve kaʼsə li a viʼi a və ziʼi gaʼa Nyìngòŋ atyì ntsèntə sə sènsə və be a tu viʼi vətsennə və ə kwʉsə ə vəwenə tyɨ ntsentə sə tyetə sə ghɨ nə njʉsə fwomə a məwumə ntaʼ a tyi zhʉ dyə ghə ghenə a və tamə lə.
Məkyitə: Shyeeʼe a ghenə a dyʉ tò nə bì a və be kyitə lye la və a myətə shìsə ŋwàʼlə/ŋwàʼnə ghenə a vəkyitə gàʼa fa tsu lə lo.

Nyʉ̀ kətemə zhʉ a ngwʉʼ nkamsə bò nə njʉsə tàyn a məwumə mbò diʼ məkaʼsə Luth nə Està, ə və be kwen a loʼ vəŋwàʼlə/vəŋwàʼnə la sombo a və ziʼi məkàʼsə tsu, ə ghàʼ ntsèntə sə mə kyitə la sə kàʼ a tyì Loʼ, nə mə tuʼtə lyè a CABTAL a ghayn a bò, ə və be shisə viʼi ghɨ tàyn fa a loʼo vəŋwàʼle/vəŋwàʼnə və gàʼa Kəjom la məwumə ntàyn, ə tu disə sə məwumə mbò nə viʼi a və lye a Loʼo veŋwàʼlə/veŋwàʼne a venə və kàʼ. Be boʼsə nə ntsèntə sə ziʼi gàʼa Nyìngoŋ njʉsə bò a məwumə ntàyn, ə be pfʉtə nyʉ̀ la nkam ə və boʼsə a ŋwàʼlə/ŋwàʼnə yì a və tuʼtə lyè nyʉ̀ fa tsu li (Dictionary).

Kenyʉ̀ a Yesə nè a ICC (Inter-Church

Committee) nə CABTAL

“Ə Loʼo Kəjom nə CABTAL tsə̀ntə avu a kənyʉ ke moʼ ə ziʼi viʼi vətsevə fa veghən a ntintin ndì vəwenə kàʼse Gaʼa Nyingòŋ a Gaʼa Kəjom ndì viʼi Kəjom no vətsəm zhʉ ətɨm əjunghe yi a ghe bwonsə viʼi fa mbisə ando vewenə zhʉ bə nyòʼo gaʼa loʼ vewəne”

Kəshi a shweʼe yenə dyù

Ə ndiʼ Loʼo a ghe dzò Gàʼa Nyìngoŋ bè nyuʼ Gàʼa Kəjom ndè və ghən tuʼtə zhʉ̀ kə nyʉ kə Nyìngoŋ ə və ghən

Shyèʼ ghenə kiʼi Ntemə ə kàʼ;

Məkaʼsə: Əkaʼsə Məkàyn Məmu Mènmə a kàyn diʼ və tu viʼi və kaʼsə və, və mwomsə a tyì Loʼ, viʼi və kyitə və e zaʼa məwumə nkàʼ a diʼi viʼi Loʼ, nə viʼi və kyitə və fa CABTAL.
Mə dìʼsə nə mə ziʼi gàʼa Loʼ: Və tamə ə shisə viʼi nkamsə bò nə ghɨ tàynə a ngwʉsə tàyn. A diʼ və a shisə ghɨ tàyn a ngwʉʼ ə chò fa a Loʼ vəŋwàʼle/vəŋwàʼnə njʉsə tàyn a məwumə bò nə ndiʼsə sə njʉsə tàyn a məwumə bò, be tu ndiʼsə sə tsensə məwumə mbò.
Viʼi a və lyɨ̀ gàʼa Nyìngòŋ dyʉ a ntsèntə viʼi və byɨmə sə: Vəwenə a jeʼe nə shi vəŋwàʼlə/veŋwàʼnə vyi a və diʼi mu ve kaʼsə li a viʼi a və ziʼi gaʼa Nyìngòŋ atyì ntsèntə sə sènsə və be a tu viʼi vətsennə və ə kwʉsə ə vəwenə tyɨ ntsentə sə tyetə sə ghɨ nə njʉsə fwomə a məwumə ntaʼ a tyi zhʉ dyə ghə ghenə a və tamə lə.
Məkyitə: Shyeeʼe a ghenə a dyʉ tò nə bì a və be kyitə lye la və a myətə shìsə ŋwàʼlə/ŋwàʼnə ghenə a vəkyitə gàʼa fa tsu lə lo.

Kəshi Kə shwèʼ Gaʼa Kəjom

Kə shi kəshwèʼ ə kaʼsə gàʼa kə diʼ a ngəŋ ghoʼo Gebauer CBC Field Office a ntəʼ Chuketam, Kəjom Ketinguʼ.

Zaʼ Yès

Jì ntɨmə wù: kedjomcommunity@gmail.com

Kenyʉ̀ a Yesə nè a ICC (Inter-Church

Committee) nə CABTAL

Kəshi a shweʼe yenə dyù

Kəshi Kə shwèʼ Gaʼa Kəjom

Your encouragement is valuable to us